Memoria da cultura
O Auditorio de Galicia integra na súa programación orquestras, música de cámara, ballet, solistas, pianistas ou voces líricas de recoñecido prestixio internacional.
Grandes directores, renomeados solistas, pianistas e voces líricas como Teresa Berganza, Montserrat Caballé, Alfredo Krauss ou José Carreras deixaron a súa pegada no público que asistiu ás súas actuacións no Auditorio de Galicia. Clases maxistrais e concertos didácticos completan a oferta musical deste espazo.
O Ballet Nacional de Cuba, o Ballet Ruso do Gran Teatro da Ópera de Minks, a Compañía Nacional de Danza, o Ballet da Ópera Estatal de Munich ou o Ballet de Víctor Ullate foron algunhas das compañías que exhibiron as súas interpretacións de danza no Auditorio de Galicia.
Ofreceron os seus espectáculos a State Ópera de Polonia, Ópera de Cámara de Varsovia, Orquestra Sinfónica da Radio Polaca de Cracovia e a Ópera de Poznan.
En canto á música de cámara, pasaron a Vienna Chamber Filharmonic Orchestra ou a Orquestra de Cámara de Estocolmo. Pódense sobrancear as actuacións de música contemporánea da Orquestra Sinfónica de Madrid, do Laboratorio de Informática e Electroacústica musical do CDMC ademais da Orquestra Sinfónica de Galicia. No apartado das novas músicas actuaron Michael Nyman Band, Win Mertens ou Lito Vitale Cuarteto, entre outros.
