Auditorio de Galicia
Compostela Cultura

Noticias

Néstor Rego durante a presentación.

Compostelarte, a cidade expresada nas artes plásticas

10/05/2007

Sete artistas nados ou residentes en Compostela foron seleccionados pola comisaria desta mostra, Antía Otero, e convidados pola Concellaría de Cultura a exporen as súas obras no Auditorio: Raquel Blanco, Xurxo Martiño, Romero Masiá, Morquecho, Soledad Pite, Vicente Prego e Xosé Vivián expoñen a súa obra na Sala Isaac Díaz Pardo do Auditorio dendea inauguración, este mércores 9 ás 20:30.

Nela estiveron presentes a comisaria e os artistas, o director xerente do Auditorio, Pablo Rodríguez, e os concelleiros de Cultura e Educación e Mocidade, Néstor Rego e Elvira Cienfuegos. Esta mostra reúne o mellor de varios artistas que senten e viven Compostela. "Ten un carácter íntimo, que non intimista", explicou Antía Otero. A mostra contaba cunha proxección audiovisual, que nos permite a entrada ao espazo privado do artista, "converténdonos en voyeurs". A comisaria agradeceu o apoio da COncellaría e do Auditorio, en particular ao director, Pablo Rodríguez, e á responsábel de exposicións e actividades culturais, Chus Busto, "pola súa dedicación e sensibilidade".

Pola súa banda, Néstor Rego aludiu ao poema de Antía Otero que dá a benvida ao público ("Tragar a cidade / boca adentro..."), para salientar o interese da mostra, en que "se fusionan arte e cidade". Subliñou que grazas á mostra "poderemos coñecer moito mellor a obra e a liña de traballo" dos artistas composteláns. Para facérmonos unha idea, aquí podemos descargar algunhas imaxes da inauguración:

  • Poema intodutorio de Antía Otero
  • Antía Otero durante a presentación
  • Abrían a mostra os cadros de Xosé Vivian, técnica mixta sobre táboa
  • Outra mostar de técnica mixata sobre táboa, da factura de Vicente Prego
  • A simplicidade cromática e formal de Raquel Blanco
  • Detalle dun papel con caracteres cirílicos nunha das colaxes de Raquel Blanco
  • Onda un dos lenzos de Romero Masiá, unha frase de Antoine de Saint Exupèry
  • Unha imaxe da estación de tren de Xurxo Martiño
  • O tren chegando a Compostela, retratado coa peculiar técnica de Xurxo Martiño
  • Panorámica de Compostela de Xurxo Martiño, feita coa superposición de transparencias de catro cores
  • Soledad Pite retrata Bonaval, e cita a Rosalía: "onde canto eu quixen descansa"
  • Mesmo o propio Auditorio é obxecto doutro dos cadros de Pite


Volver

Concellaría de Cultura.
Concello de Santiago de Compostela, 2005