Axenda Cultura
![]()
Ademais da programación propia do Auditorio, as súas salas e galerías acollen todo tipo de eventos organizados por outros axentes sociais.
II Campus Musical 2010 da Federación Galega de Bandas de Música Populares
Luns 30 de agosto de 2010 - Domingo 5 de setembro de 2010
O II Campus Musical 2010 da Federación Galega de Bandas de Música Populares terá lugar do 30 de agosto ao 5 de setembro no Auditorio de Galicia e no Colexio Vite I en Santiago de Compostela.
Prezo: 50 € para músicos federados activos (25 € para oíntes) e 100 € para músicos non federados activos (60 € oíntes).
Ópera: "Parsifal", dirixida por Vasily Petrenko
Martes 24 de agosto de 2010
19:00 |
"Parsifal", a derradeira obra mestra de Richard Wagner, un drama existencialista sobre a condición humana que nos últimos anos ten regresado con renovado interese aos principais escenarios operísticos (só no 2004 representouse en Viena, Bayreuth, Londres, Hamburgo e Amsterdam), non se escoitara nunca antes en Galicia.
Prezo: Entradas esgotadas
Concerto da Real Filharmonía de Galicia
Domingo 8 de agosto de 2010
20:00 |
Concerto da Real Filharmonía de Galicia, dirixida por Maximino Zumalave, durante o LIII Curso Universitario Internacional de Música Española, que se celebra na cidade do 1 ao 14 de agosto.
O sinfonismo eslavo no Via Stellae
Xoves 22 de xullo de 2010
20:30 |
A Mahler Chamber Orchestra, dirixida por Tugan Sokhiev, que debuta en Galiza, e coa violinista Viktoria Mullova, interpretan un repertorio de sinfonías eslavas de Borodin, Prokofiev e Dvorák. O concerto está integrado na programación do Festival Via Stellae.
Prezo: 10 €. Menores de 25 anos e maiores de 65: 5 €. Abono do Auditorio de Galicia (3 concertos): 22,50 €. Abono completo (11 concertos): 58,50 €
Estrea d'O Apóstolo'
Sábado 17 de xullo de 2010
21:00 |
Estréase o primeiro filme de animación 'stop-motion' feito en Galiza, O Apóstolo, dirixido por Fernando Cortizo. A Real Filharmonía de Galicia e o Orfeón Terra a Nosa interpretarán ao vivo a banda sonora, composta por Arturo Vaquero, Xavier Font e Philip Glass, e baixo a batuta de David Hernando, director da Bratislava Symphony Orchestra.
Prezo: Por convite.
'Berlioz e o mito' no Via Stellae
Mércores 14 de xullo de 2010
20:30 |
Les Musiciens du Louvre - Grenoble ofrecen un concerto no Auditorio de Galicia enmarcado na programación do Festival Via Stellae 2010. A súa homenaxe a Berlioz, con pezas do compositor francés, leva por título Berlioz e o mito.
Prezo: 10 €. Menores de 25 anos e maiores de 65: 5 €. Abono do Auditorio de Galicia (3 concertos): 22,50 €. Abono completo (11 concertos): 58,50 €
Ópera-ballet: 'Anacreonte' e 'Pigmalión'
Luns 12 de xullo de 2010
20:30 |
Dentro da programación do Via Stellae 2010, preséntase a magnífica orquestra e coro francés Les Arts Florissants e o director franco-americano William Christie coa estrea en Galiza (en versión de concerto) de dúas óperas-ballet do compositor francés Jean-Philippe Rameau, Anacreonte e Pigmalión.
Prezo: 10 €. Menores de 25 anos e maiores de 65: 5 €.
Un paseo por Broadway
Mércores 30 de xuño de 2010
19:00 |
A escola de danza Gail Brevitt representa o musical Un paseo por Broadway, composto por pezas de musicais como Cats, Chicago ou Cabaret, ademais de fragmentos de ballet clásico e de danza irlandesa. Deseguido, actuarán o Coro da Rá e o grupo Aló Django. O acto complétase cunha coreografía de patinaxe artística e coreografías contemporáneas.
Prezo: 6 €
'Nearly 90-2' de Merce Cunningham Dance Company
Domingo 27 de xuño de 2010
20:00 |
Con Nearly 90-2, a compañía pretende continuar o esforzo de Merce Cunningham, compartindo e preservando o seu legado, para que o público de hoxe e as xeracións futuras consoliden o traballo deste lendario artista. A que se presenta é a obra póstuma de Cunningham.
Prezo: 22 euros. Venda anticipada na web de Caixa Galicia
Debate "A esquerda ante a crise"
Xoves 24 de xuño de 2010
19:00 |
Tempos Novos organiza un debate en que distintas persoas vinculadas aos movementos sociais debaterán sobre a actual situación dos movementos de esquerda e as súas estratexias no actual contexto económico e social.
Inicio
Seguinte
